Երեխայի սեռական ճիշտ դաստիարակության համար կարեւոր են ծնողների նորմալ փոխհարաբերությունները:
Վերջերս հաճախակիացել են տարօրինակ սեռական բռնությունների կամ ինքնասպանությունների մասին հաղորդագրությունները` 80-ն անց տատիկների բռնաբարություն, երեկ էլ Կիեւյան կամրջից 28-ամյա կնոջ ինքնասպանություն... եւ այլն:
Սակայն տպավորությունը, որ Հայաստանում աճել է բռնաբարությունների ու ինքնասպանությունների թիվը, չի հաստատվում, քանի որ համաձայն Ազգային վիճակագրական ծառայության այս տարվա առաջին ութ ամիսների վիճակագրության` սեռական անձեռնմխելիության եւ սեռական ազատության դեմ ուղղված հանցագործությունների թիվը նվազել է 15.2 տոկոսով 2010 թվականի համեմատությամբ: Հոգեբան Սամվել Խուդոյանն էլ ասում է` ոչ թե դեպքերն են շատացել, այլ լուսաբանողները:
Անդրադառնալով ինքնասպանության դիմելու պատճառներին` հոգեբանը նշում է, որ առաջնային պատճառը դեպրեսիան է, իսկ դեպրեսիայի պատճառները հազարավոր են:
Սեքսոլոգ Վրեժ Շահրամանյանն էլ նշում է, որ դեպրեսիայից զատ պատճառները պետք է փնտրել նաեւ ընտանիքում, այսինքն, թե ինչ միջավայրում է ծնվել ու մեծացել երեխան: Իսկ բռնաբարության դրդող առաջին պատճառներն, ըստ Շահրամանյանի, կապված է նա հետ, թե ինչ վիճակում է եղել անձի, երեխայի սեռական դաստիարակությունը, կամ եղե՞լ է առհասարակ դաստիարակություն թե` ոչ:
http://www.azatutyun.am/content/article/24374366.html
