Երևանի պետական բժշկական համալսարանի սեքսոլոգիայի կլինիկայում վերջին հինգ տարիներին սեռական խնդիրների վերաբերյալ հարցերով այցելուների թիվը կրկնակի աճել է: Այդ մասին այսօր ասուլիսում տեղեկացրեց Սեքսոլոգների հայկական ասոցիացիայի անդամ, սեքսոպաթոլոգ Ռուզան Ազատյանը:
Հայաստանում սեռական խանգարումների վերաբերյալ հստակ վիճակագրության նա չի տիրապետում, և մատնանշելով իրենց կլինիկայի վիճակագրությունը տեղեկացրեց, որ դիմողների 20 տոկոսը կանայք են, 25 տոկոսը` ամուսնական զույգեր, իսկ 55 տոկոսը տղամարդիկ:
Ըստ մասնագետի, կանանց մոտ հաճախ հանդիպող խնդիրը սեռական ցանկության նվազումն է, և նրանց 35 տոկոսն է տառապում դրանից, դիմած կանանց 30 տոկոսի մոտ կա սեռական անբավարարվածություն: 20 տոկոսն է դժգոհել ցավից սեռական հարաբերության ժամանակ, իսկ 15 տոկոսի մոտ էլ գրանցվել են սեքսուալ ֆոբիաներ:
http://panorama.am/am/health/2010/12/24/sexolog
