Սույն թվականի հոկտեմբերին Մայամիյում կայացավ Բժշկական Սեքսոլոգիայի Միջազգային Ասոցիացիայի (ISSM) 23-րդ և Հյուսիսային Ամերիկայի Բժշկական Սեքսոլոգիայի Ասոցիացիայի (SMSNA) 23-րդ ամենամյա աշնանային գիտաժողովը: Սեքսոլոգների Հայկական Ասոցիացիայի անդամ և Միքայելյան համալսարանական հիվանդանոցի սեքսոպաթոլոգիայի բաժնի բժիշկ-սեքսոլոգ Սաթենիկ Սահակյանը շահել էր դրամաշնորհ`ISSMSMSNA2022 գիտաժողովին մասնակցելու և հոդվածի համառոտագիրը ներկայացնելու նպատակով:
Ներկայացվել է Սեքսոլոգների Հայկական Ասոցիացիայի և ԵՊԲՀ Սեքսոպաթոլոգիայի ամբիոնի հետ համատեղ իրականացրած հետազոտության համառոտագիրը, որը ներառում էր COVID-19 համավարակի ժամանակ Հայաստանում ընտանեկան բռնության տարածվածության վերաբերյալ վիճակագրական վերլուծություններ։ Նշենք, որ Հայաստանն առաջին անգամ էր մասնակցում և ներկայանում գիտական աշխատանքով ISSM -SMSNA-ի համաժողովին։
Գիտաժողովը մուլտիդիսցիպլինար էր՝ սեքսոլոգիա, ուրոլոգիա, գինեկոլոգիա, օնկոսեքսոլոգիա, հոգեբանություն, հոգեբուժություն։ Այս տարվա գիտաժովին կար ավելի քան 1000 մասնակից։ Միջազգային մակարդակի ճանաչում ունեցող ոլորտի առաջատար մասնագետներն ու գիտնականները կիսվեցին իրենց գիտական աշխատանքներով, հետազոտություններով և փորձով։
Միջազգային գիտաժողովներում մասնակցելը և շփումը աշխարհի տարբեր երկրների մասնագետների հետ հնարավորություն է տալիս լինել տեղեկացված բժշկության վերջին զարգացումներին, ինչպես նաև ստեղծել նոր գիտական և գիտահետազոտական կապեր ամբողջ աշխարհում:
